Rete la!

M santi batman kè m
Pèdi vibrasyon nòmal li
Fil panse m san direksyon
Vizyon m pèdi larezon.

M pa fouti di w ki direksyon latè
Ni kibò syèl kache zetwal li
M pa konn kot solèy di lespas bonjou
Ni ki kote douvanjou
Pèdi nyaj lannwit.

Ki sans rèv mwen ap genyen san ou
Ki pwojèm k ap pote mak serye
San konsiltasyon w ti doudou?

Nan ki basen kè m va bwè
Lè l swaf lanmou?
Kilès ki va pase men sou mwen,
Pou fè m pale depale, rele, wouke
Jouk zanj yo tande?

Pa ale…

Si w ale
Tè kè m p ap goute lapli lajwa
Gòj mwen p ap goute ti krache
Swaf ap pete fyèl egzistans mwen anvan lè.

Si w ale…

Lavi m ap douvan dèyè
Pap gen fòs poum sipòte
Fouk pantalon lavi m ap defouke
Tankou yon fou Nan lari map mache,
plede pale pawòl san sans,
San nanm
San valè.

Rete la !

Claudy MARS


Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s