Fanm Kreyòl

Fanm kreyòl, fanm ki gen anpil kouray, fanm djanm
Fanm vanyan, fanm ki gen bon jèvrin, fanm nanm
Fanm ki pa pè soufri, fanm ki gen anpil fyèl
Fanm ki p ap vag menm si lavi ba l pataswèl

Ou se mèvèy lanati, lè w leve maten
Zwezo rasanble, kòk chante nan tout rakwen,
Fèy nan bwa pran danse, klòch lajwa pran sonnen
Tout sa yo se jis pou swete w bon lajounen

Ou se pi bèl kado lavi met sou wout mwen
Lè w kote m, lè m ta gen lide vire tèt mwen,
Tete doubout ou yo toujou la pou moutre,
direksyon m ta dwe pran lè m jwenn difikilte

Lè w pran pou w souri, latè tou sispann vire,
Lè w ap taye banda, bouda ou ap souke
Sous lajwa nan kè m pete, kè kontan tranpe m
Se tankou lapli lanmou w te fè san jou ap mouye m

Lè w ta resi anfas mwen pou m ta di w de mo,
Estrès fè mo m te pare pou m di w ret bloke
Bouch mwen ap tranble, li pa janm sispann fè dlo
Pou jan l wè l ta chita sou lèv ou pou l pyafe

Fanm kreyòl, lè ou touche m, menm lè m pa sou san m,
Dife limen nan kè m, tout chagren m gen fè sann
Ou toujou la pou w ede m si m ta nan soufrans
Ou se feblès ak fòs mwen, ou bay lavi m sans
Fanm kè kontan m, nègès an mwen, pa gen tankou w
Fanm kè mwen, non non pa gendwa janm gen tankou w

Phen E. Colen DOR


Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s