Kadav

Yon latriye kadav sot anlè a (zetwal yo se moun, lè souf yo etenn, yo tounen kadav epi yo chwe nan barank linivè) tonbe sou asfat lari Okap. Yo chak tonbe yon fason. Gen nan yo ki tonbe tennfas, ak pikan kwenna nan pye yo. Gen lòt ki tonbe tankou fanm ansent k ap kaselèzo, ak bouch yo gran louvri. Gen lòt tou ki ateri san batistè, men anndan tèt yo ti zwezo nan bwa fè nich.

Sa w tande a
rèl nan tout lari Okap
chak rèl pòtre yon kadav
chak rèl pote yon kadav

bri kouri di nan mache ri 9 la
leta lote rèl tankou patat
ou wè rèl pa ta ka bon vre
rèl pa ta ka pote rezilta vre
leta s on machann rèl

nanpwen solèy
nan fon je timoun yo ankò
se kadav ase
kadav tout plimay
tout lajè
tout longè

doulè deplòtonnen zèl li
nan tout rakwen
doulè mache ak fwèt kach li
fènwè kenbe l konpanyen
doulè se chòv-sourit (se pa sèl lanmou non powèt-vitriye)
li jouke lòm tèt anba


Hansley Sébastien Muselaire


Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s